Kirwa 2006

Gstanzln

Aufd Kirw satz kumma,des gfreit uns scho gscheit,
drum sogn wir miteinand, "Grüß Gott liabe Leut!"

Wecha die Fisch und die Broatwürscht, wechan Wein und Bier.
Homs in Ensdorf am Gmoafest, is größte Gewirr.

Ja wennts euch niat einigen wollts, feier ma bei uns, was solls.
Dann sechts, wos a Festl is, ja Leut, des is gwiss!

Ja unser kloa Hacht, hod a feschs Moidl aglacht.
Aufm Kirwaausflug in Österreich sans aufe am Bodnsteig.

Wos dou dann passiert is, des sogn ma euch lieber niat,
niat das se unser Bob vor uns alle schiniert.

Die Emerdorfer Kirwaleut die homs hald niat grafft
drum homs a is Baamafstelln die andern Leut agschafft.

Ja soll des a Strass sa wos am Burgstall aufe geht!
Oder Leut was moant ihr? Mehr als a Feldweg is des net!

Da Voggo unser "Sportler", hod as Skifoahrn probiert,
drauf is er in da Hüttn mit da Schulter kollidiert.

Da Richi und Mallorca des is einfach niat sei Ding
weil nach 21 Weizen lout er sein Rucksack drunt liegn!

Um Rucksack da wors ja gor niat so schlimm
doch die Feierwehr-Krawattn wor a no mit drin.

Des Theierner Dorffest des hod a sei Gschicht
der Reini a kaputts Radl und zwoa Schrammen im Gsicht!

Ja Leut etz samma fertig, mit unserer Singerei.
Nix für unguat fürn Spaß, etz gemma ins Zelt auf a maß!